პატრიარქის
აღსაყდრებიდან 34 წლისადმი მიძღვნილი გალა-კონცერტი თბილისის დიდ
საკონცერტო დარბაზში გაიმართება. როგორც "ჯი-ეიჩ-ენს" სრულიად საქართველოს
კათოლიკოს-პატრიარქის საერთაშორისო საქველმოქმედო ფონდიდან აცნობეს
გალ-კონცერტზე უწმინდესის მუსიკალური ნაწარმოების "Agnus Dei" პრემიერა
გაიმართება.
კონცერტზე ასევე, უწმინდესისა და უნეტარესის ილია მეორეს მუსიკალური
ნაწარმოებები- "Kyrie Eleison", "Ave Maria" და "Sanctus" აჟღერდება.
გალა-კონცერტში მონაწილეობას ქართული საშემსრულებლო ხელოვნების საუკეთესო წარმომადგენლები ლიანა ისაკაძე, ვახტანგ კახიძე, ირინე რატიანი, თამარ ბერაია, ზვიად ბოლქვაძე; ასევე თბილისის სიმფონიური ორკესტრი, თბილისის ოპერის გუნდი, სამების ტაძრის მგალობელთა გუნდი და ვაჟთა გუნდი "მძლევარი" მიიღებენ.
მუსიკოსები ასევე ქართული და მსოფლიო კლასიკური მუსიკის საუკეთესო ნიმუშებს ბელინის ოპერას "ნორმადან" ნორმას არია; ბეთჰოვენის საფორტეპინო კონცერტის ფინალს და ჩაიკოვსკის სავიოლინო კონცერტის ფინალს შეასრულებენ.
შეგახსენებთ, რომ 25 დეკემბერს სრულიად საქართველოს კათოლიკოს-პატრიარქის ილია მეორეს აღსაყდრებიდან 34 წელი სრულდება.
No comments:
Post a Comment